ଅସ୍ତରଙ୍ଗ-୨ ନାମକ ଏକ ଟ୍ରଲର ନୁଆଗଡ ମାଛ ଧରା ବନ୍ଦର ଠାରୁ ଶନିବାର ଦିନ ସକାଳୁ ସକାଳୁ ସମୁଦ୍ରକୁ ମାଛ ଧରିବାକୁ ଯାଉଥିବା ବେଳେ ଦେବୀ ମୁହାଣ ଅତିକ୍ରମ କରିବା ଭିତରେ ପ୍ରଖର ସ୍ରୋତ ଓ ଲହଡି ମାଡରେ ଇଂଜିନ ଟି ବନ୍ଦ ହୋଇଯାଇଥିଲା । ଯାହା ଫଳରେକି ଟ୍ରଲର ଟି ବୁଡିଯାଇଥିଲେ ମଧ୍ୟ ସମୁଦ୍ର ମଝିରେ ଥିବା ଅନ୍ୟ ଟ୍ରଲରର ମତ୍ସ୍ୟଜୀବି ମାନେ ବୁଡିଯାଉଥିବା ଟ୍ରଲରର ୭ ଜଣ ମସôଜୀବି ଙ୍କୁ ଉଦ୍ଧାର କରିଛି ।
ଏଠାରେ ପ୍ରକାଶ ଯେ, କୁହିଡି ଥିବାରୁ ଟ୍ରଲର ରମତ୍ସ୍ୟଜୀବି ମାନେ ପୂର୍ବାହ୍ନ ୧୧ଟାରେ ସମୁଦ୍ରକୁ ମାଛ ଧରିବା ପାଇଁ ଯାଇଥିଲେ । ଦେବୀ ମୁହାଣ ଅତିକ୍ରମ କରିବା ପରେ ମୁହାଣ ମୁହଁରେ ଜାଲ ପକାଇ ଚାରିଘଣ୍ଟା ଅନ୍ତରରେ ଫେରୁଥିଲେ । ଏହି ସମୟରେ ଟ୍ରଲରରେ ଯାନ୍ତ୍ରୀକ ତୃଟି ଦେଖାଯିବା ସହ ଇଂଜିନ ରୁ ଧୁଆଁ ବାହାରିଥିଲା । ଟ୍ରଲର ଡ୍ରାଇଭର ପରିସ୍ଥିତି ସୁଧାର ଆଣିବାକୁ ଚେଷ୍ଟା କରିଥିଲେ ମଧ୍ୟ ତାହା ହୋଇପାରିନଥିଲା । ତେଣେ ବୋଟ ଟି ଲଙ୍ଗର ପକାଇ ସୁରକ୍ଷିତ ରହିବାକୁ ଚାହିଁଥିବା ବେଳେ ଅଣ୍ଡର ସ୍ରୋତରେ ଲଙ୍ଗର ଘୁଂଚି ଘୁଂଚି ଯାଇଥିବା ବେଳେ ଟ୍ରଲରରେ ପାଣି ଲିକ୍ କରିଥିଲା । ପାଣୀ କୁ ବନ୍ଦ କରିବା ପାଇଁ କପଡାର କନା ବିଣ୍ଡା ଦେଇଥିଲେ ମଧ୍ୟ ତା ଅସମ୍ଭବ ହେବାରୁ ଟ୍ରଲର ଟି ଆସ୍ତେ ଆସ୍ତେ ବୁଡିବାକୁ ଲାଗିଥିଲା । ମତ୍ସ୍ୟଜୀବି ମାନେ ଟ୍ରଲରର ଛାତ ଉପରେ ଛିଡା ହେବା ପରେ ପାଖରେ ଥିବା ମତ୍ସ୍ୟଜୀବି ମାନଙ୍କୁ ସଂକେତ ଦେବାକୁ ସେମାନେ ସୁରକ୍ଷିତ ଭାବେ ୭ଜଣ ମତ୍ସ୍ୟଜୀବି ଙ୍କୁ ଉଦ୍ଧାର କରିଥିବା ଜଣାପଡିଅଛି । ଏଠାରେ ପ୍ରକାଶ ଯୋଗ୍ୟ ଯେ, ଅକ୍ଟୋବର ଠାରୁ ମାର୍ଚ୍ଚ ପର୍ଯ୍ୟନ୍ତ ଅଲିଭ୍ରିଡେଲ୍ କଇଁଛ ଙ୍କ ସଂଗମ ଓ ଅଣ୍ଡାଦାନ ପାଇଁ ମାଛଧରା ଟ୍ରଲର ଉପରେ କଟକଣା ସହ ଜଙ୍ଗଲ ବିଭାଗ ତରଫରୁ ଅଥଳ ସମୁଦ୍ରରେ ବ୍ୟାପକ ପ୍ରେଟୋଲିଂଗ ହେବାର ବ୍ୟବସ୍ଥା ଥିଲେ ମଧ୍ୟ କଣ ପାଇଁ ମାସିକ ଲକ୍ଷଧିକ ଟଙ୍କା ବ୍ୟୟରେ ନିଯୁକ୍ତି ହୋଇଥିବା ପେଟ୍ରୋଲିଂଗ ବୋଟ୍ ଟି ଦେବୀ ମାଉଥରେ ପଡିରହିଅଛି ତାହା ଜନସାଧାରଣଙ୍କ ମନରେ ବିସ୍ମୟ ସୃଷ୍ଟି କରିଅଛି ।

LEAVE A REPLY

Please enter your comment!
Please enter your name here