ନୂଆଦିଲ୍ଲୀ: ନୂଆ ଅସ୍ତ୍ରଶସ୍ତ୍ର ଓ ଉପକରଣ ଲାଗି ଭାରତୀୟ ବାୟୁସେନା ୪୦ ହଜାର କୋଟି ଟଙ୍କା ଦାବି କରିଛି।  ଚୁକ୍ତି ହୋଇଥିବା ଯୁଦ୍ଧାସ୍ତ୍ର ନୂଆ ଉପକରଣ କିଣିବା ଲାଗି ୪୦ ହଜାର କୋଟି ଟଙ୍କା ଆବଶ୍ୟକ ବୋଲି ବାୟୁସେନା ପକ୍ଷରୁ କେନ୍ଦ୍ର ସରକାରଙ୍କୁ ଜଣାଯାଇଛି।

ନିଜ ନାମ ଗୋପନ ରଖିବା ସର୍ତ୍ତରେ ଜଣେ ବାୟୁସେନା ଅଧିକାରୀ ଏନେଇ ଗଣମାଧ୍ୟମକୁ ସୂଚନା ଦେଇଛନ୍ତି।  ସରକାରଙ୍କ ପକ୍ଷରୁ ୩୯ ହଜାର କୋଟି ଟଙ୍କାର ବ୍ୟୟବରାଦ ହୋଇଥିବାବେଳେ, ଆଉ ଅଧିକ ୪୦ ହଜାର କୋଟି ଟଙ୍କା ଆବଶ୍ୟକ ରହିଥିବା ସଂପୃକ୍ତ ଅଧିକାରୀ କହିଛନ୍ତି। ଅଧିକାରୀ ଆହୁରି କହିଛନ୍ତି ଯେ, ବାୟୁସେନା ଯାହା ଆବଶ୍ୟକ କରୁଛି, ସେଥିଲାଗି ସରକାରଙ୍କ ଅନୁଦାନ କାଣିଚାଏ ଆବଶ୍ୟକତା ପୂରଣ କରିପାରିବନି। ଏଣୁ ଡିସେମ୍ବରରେ ହେବାକୁ ଥିବା ସଂଶୋଧିତ ଅଟକଳରେ ଏହାକୁ ସାମିଲ କରାଯିବା ଆବଶ୍ୟକ ବୋଲି ସେ କହିଛନ୍ତି।

ଏହି ଟଙ୍କାରେ ୧୧୪ଟି ମଧ୍ୟମ ଓଜନ ବିଶିଷ୍ଟ ଯୁଦ୍ଧ ଜାହାଜ, ୮୩ଟି ଏଲସିଏ, ୩୩ଟି ମିଗ୍-୨୯ଏସ୍ ଓ ସୁଖୋଇ-୩୦ଏସ୍, ୫୬ଟି ଟ୍ରାନ୍ସପୋର୍ଟ ଏୟାରକ୍ରାଫ୍ଟ ଏବଂ ୭୦ଟି ବେସିକ୍ ଟ୍ରେନର ଏୟାରକ୍ରାଫ୍ଟ କିଣାଯିବାକୁ ଯୋଜନା ହୋଇଛି।

 

LEAVE A REPLY

Please enter your comment!
Please enter your name here